Müharibə nə vaxt bitəcək?

Ukraynadakı münaqişə ABŞ-ın yeni seçilmiş prezidenti Donald Trampın administrasiyasının köməyi ilə aprelin sonunda qeyd olunacaq Pasxa bayramına yaxınlaşaraq həll edilə bilər.

Oxu24.com xəbər verir  ki,bu barədə Britaniya Xarici İşlər Nazirliyinin rəhbəri Devid Lammi bildirib. Onun sözlərini “The Guardian” yayıb.

O, Ukraynaya hərbi və iqtisadi yardımın davam etdirilməsinin vacib olduğunu vurğulayıb.

Lammy deyib ki, son hadisələr 21 yanvarda (Trampın andiçmə mərasimindən bir gün sonra) tez bir zamanda razılaşmanın əldə olunacağına dair gözləntilərin daha az ehtimal edildiyini açıqlayıb.

"İndi belə görünür ki, bu cədvəl Pasxa bayramına doğru dəyişib", deyə o bildirib.

Eyni zamanda Polşanın müdafiə naziri Vladislav Kosiniyak-Kamış bəyan edib ki, Donald Trampın komandasının Ukraynadakı münaqişəni həll etmək üçün hələlik planı yoxdur.

Yanvarın 7-də ABŞ-ın yeni seçilmiş prezidenti Donald Tramp inauqurasiyadan sonra altı ay ərzində Ukraynada döyüşlərin dayandırılmasına nail olacağına ümid etdiyini bildirib. Eyni zamanda o, Kiyev və Moskva arasında münaqişənin gərginləşməsini Co Bayden üçün “fiasko” adlandırıb və etiraf edib ki, Ukraynanın NATO-ya mümkün qəbulu ilə bağlı Rusiya rəhbərliyinin mövqeyini anlayır. 

Bundan əvvəl Rusiya Təhlükəsizlik Şurası Trampın Ukrayna böhranını tez həll etmək qabiliyyətini qiymətləndirmişdi.

 

Nigar